კურსის რეფლექსია

                                                    16.07.2018

 კურსი "პროექტებით სწავლება ისტ-ის ინტეგრირებით" დავიწყეთ 2018წლის 28 ივნისს და გაგრძელდა 16 ივლისის ჩათვლით. ტრენინგი საკმაოდ პროდუქტიული და მრავლისმომცემი იყო. შევქმენით საქაღალდე და ავტვირთეთ ბლოგზე. გავუზიარეთ ერთმანეთს აზრები, შევაფასეთ და გამოვთქვით ვარაუდები. ტრენინგმოდულის ყოველი დღე აქტივობებით იყო დატვირთული.

პროექტებით საწავლებას  აქტიურად გამოვიყენებ  სასწავლო  პროცესში.ტრენინგი სასიამოვნო გარემოში ტარდებოდა , მაღალ აკადემიურ  დონეზე,რისთვისაც  დიდი  მადლობას ვუხდით ტრენერს ქალბატონ ნათია ცინცაძეს.

მერვე დღე

                                                                     რეფლექსია                                            13.07.2018

მერვე დღეს გავეცანით მე-6 ,მე-7 მოდულს, კერძოდ, დაგეგმვა მოსწავლეთა წარმატებისათვის.წინა მოდულებში ჩვენ მოვირგეთ მოსწავლეთა როლი ,რათა მოსწავლის მიერ შექმნილი სავარაუდო ნაშრომის ნიმუში მოგვემზადებინა.შემდეგ ისევ დავუბრუნდით მასწავლებლის როლს და სავარაუდო ნაშრომის შეფასების გეგმა შევადგინეთ. ვიმსჯელეთ შეფასების რუბრიკებზე წყვილებში და ჯგუფურად.მიღებული შედეგი დაგვეხმარება გავაუმჯობესოთ მოსწავლის სავარაუდო ნაშრომი და შეფასების სტრატეგიები.

ამ მოდულის თემატიკა დამეხმარება იმაში,რომ ხელი შევუწყო ჩემს მოსწავლეებს,რათა ისინი თვითრეგულირებად მასწავლებლებად იქცნენ და ასევე დავაკმაყოფილო მოსწავლეთა განსხვავებული საჭიროებები.

მეშვიდე მოდულში განვიხილეთ,როგორ შევქმნათ სასწავლო გარემო პროექტებზე დაფუძნებული სწავლების წარმართვისათვის, ასევე, ვიმსჯელეთ როგორ გამოვიყენოთ ტექნოლოგიები ჩვენი პროდუქტიულობის გაზრდისა და სწავლების პრაქტიკის გაუმჯობესებისათვის.ამავე მოდულის ფარგლებში შევქმენით პრეზენტაცია,დავგეგმეთ თემის ფარგლებში სასწავლო პროექტის განხორციელების პროცედურები და შევქმენით მასალები მოსწავლეების მიერ პროექტებზე მუშაობის პროცესში ტექნოლოგიების გამოყენების ხელშეწყობისათვის.

მოსწავლის ნიმუში

მეშვიდე დღე

                                                              რეფლექსია                                                  10.07.2018

მეშვიდე დღეს გავეცანით მეხუთე მოდულს და ვიმსჯელეთ,თუ როგორ შეიძლება გამოვიყენოთ რუბრიკები,ქულების მინიჭების სქემები და ჩეკლისტები შინაარსის ათვისების,21-ე საუკუნისა და მაღალი დონის სააზროვნო უნარების განვითარებისათვის ჩვენს პროექტზე მუშაობისას. შევიმუშავეთ შეფასების გეგმა,რომელსაც გამოვიყენებთ ჩვენი თემისთვის განკუთვნილი შემაჯამებელი შეფასებების შესაქმნელად. მოდულის ბოლოს გადავხედეთ მოსწავლეთა სავარაუდო ნაშრომებს,შევამოწმეთ ნაშრომში შემავალი ყველა დოკუმენტი, თემის მიზნებთან შესაბამისობის კუთხით.

პროექტის პრეზენტაცია

მეექვსე დღე

                                                      რეფლექსია                                                 09.07.2018

                                                                    

მეექვსე დღეს გავეცანით მეოთხე მოდულს და განვიხილეთ სასწავლო ნიმუშების შექმნა.ვიმსჯელეთ,თუ როგორ გამოვიყენებთ ჩვენს თემაში ინტერნეტს.განვიხილეთ,თუ როგორ უნდა ვასწავლოთ მოსწავლეებს ინტერნეტის პასუხისმგებლობით გამოყენება.დავგეგმეთ და შევქმენით მოსწავლეთა პრეზენტაციის ნიმუში კონკრეტული სასწავლო მიზნებისათვის. ვისაუბრეთ,თუ როგორ უნდა გამოვიყენოთ ტექნოლოგიები ყველაზე ეფექტურად სწავლების პროცესის ხელშეწყობისა და მოსწავლეთა სწავლის შეფასების მიზნით.

მეხუთე დღე.

                                                                 რეფლექსია                                      06.07.2018.

ტრენინგის მეხუთე დღეს წარვადგინეთ შესრულებული სამუშაო.გავიარეთ მე-3 მოდული საკვანძო კითხვებით.
განვიხილეთ სასწავლო პროექტების მეშვეობით სტანდარტების მიღწევის საკითხები.  შევქმენით ბიბლიოგრაფიები. შევაფასეთ ინტერნეტრესურსები  და განვიხილეთ  საავტორო უფლებების კანონმდებლობა და სამართლიანი გამოყენების წესები განათლების სისტემაში.  ვიმუშავეთ ასევე   უკუკავშირის მიცემის სახეებსა და ფორმებზე.

მეოთხე დღე

                                                                რეფლექსია                                    3.06.2018

                დღეს განვიხილეთ მეორე მოდულის აქტივობები 3,4,5. ,შევავსეთ პროექტის გეგმა შეფასების ინსტრუმენტების მოკლე მონახაზის მიხედვით.განვსაზღვრეთ შეფასებები მოსწავლეთა საჭიროებების მიხედვით,ვისაუბრეთ დიფერენცირებული აქტივობების შესახებ მოსწავლეთა განსხვავებული საჭიროებების შესაბამისად.
 გავეცანით პრეზენტაციის ნიმუშებს.მოვამზადე პრეზენტაცია ჩემი თემისთვის,შევაჯამეთ იდეები თემის შესახებ. ვისაუბრეთ თუ რისი სწავლება მსურს მოსწავლეებისათვის ამ თემის ფარგლებში.

მესამე დღე

                                                                რეფლექსია                                      02.07.2018.

თემა: სასწავლო პროექტის დაგეგმვა.
პროექტის თემა და მიზნები ეფუძნება სასწავლო გეგმის სტანდარტებსა და 21-ე საუკუნის უნარ-ჩვევებს.
გავეცანით განახლებული სასწავლო გეგმის სტანდარტებს საგნების მიხედვით და ასევე განვიხილეთ ბლუმის ტაქსონომია.
მოძიებული მასალები შევინახეთ ჩვენი პორთფოლიოს შესაბამის საქაღალდეებში.შევასრულეთ პრაქტიკული სამუშაო.საგნობრივი სტანდარტების შესაბამისი შედეგები შევუსაბამე ჩემ მიერ არჩეულ პროექტის თემას და შევიტანე პროექტის შაბლონში.
განვიხილეთ და ვიმსჯელეთ პროექტის საკვანძო,თემატურ და შინაარსობრივ კითხვებზე.
ჩემი პროექტისათვის შევარჩიე მიმართულების მიმცემი ერთ საკვანძო,ორი თემატური  და სამი შინაარსობრივი კითხვა .ეს კითხვებიც შევიტანე პროექტის გეგმის შაბლონში.